Di çarçoveya lêpirsîna ku ji aliyê Serdozgeriya Komarê ya Stenbolê ve hatî destpêkirin de nivîskarên Kurd Mevlut Aykoç, Samî Tan û Ronayî Onen bi hinceta pirtûka perwerdeya ziman a bi navê Hînker hatine binçavkirin. Ku pirtûka berbesh di sala 2010’an de bi awayekî fermî hatiye çapkirin.
Îfadeya Samî Tan ê Serokê Komeleya Çand û Zimanê Kurdî ya Rihayê li Midûriyeta Polîsan a Rihayê bi telîmatê hate standin.
Li Midûrîyeta Polîsan pirtûka perwerdeya zimanê Kurdî ya di sala 2010’an de ji aliyê Samî Tan, Mevluit Aykoç, Ronayî Onen û Mehmed Sadik Varli ve hatî amadekirin, li Samî Tan ê ku bi hinceta ‘’endamtiya rêxistinê’’ hatî binçavkirin, hatiye pîrsîn. Tan di îfadeya xwe de aniye ziman ku ‘’Hînker’’ bi armanca ku di kûrsên zimanî yên taybet de were bikaranîn, hatiye amadekirin. Her wiha lêpirsîna kesên di wêneyên li ser pirtûkê de û cihên lê hatine kişandin jî hatiye kirin.
Tişetekî din a balkêş a têkildarî lêpirsînê ew e ku pirtûka Hînker li ser şehîdekî HPG’ê û di serdegirtinên malan ên cuda de hatine peydakirin. Girêdayî vê yekê hate îdîakirin ku Hînker ‘’meteryala perwerdeya îdeolojîk a rêxistinê’’ ye. Her wiha têkildarî bikaranîna vê pirtûkê ya ji aliyê PKK’ê ve jî ji Samî Tan hatiye piesîn. Samî Tan diyar kir ku pirtûka Hînker bi armanca hînkirina zimanê Kurdî hatiye amadekirin.
Piştî temambûna kiryarên li Midûriyeta Polîsan binçavkirina Tan rojekê hate dirêjkirin. Tê payîn ku sibehî Tan ji edliyeyê re were sewqkirin
