Wezareta Enformasyonê ya Pakistanê ragihand ku ev operasyon weke bersiva li dijî êrîşên li ser xaka welêt û êrîşa xwekujî ya li mizgefta Îslamabadê, pêk hatiye.
Di daxuyaniyê de hate diyarkirin ku “sirnax û kampên terorê” hatine hedefgirtin. Hat îdîakirin ku di nava komên hatine hedefgirtin de çêkereke girêdayî DAÎŞ’ê heye.
Wezareta Parastinê ya Efganistanê êrîş şermezar kirin û hişyarî da ku “wê bersiveke guncaw û bi pîvan were dayîn”.
TENGASIYA KU LI SER SÎNOR ZÊDE DIBE
Pakistan rêveberiya Talîbanê ya li Efganistanê sûcdar dike ku komên çekdar ên êrîşî xaka Pakistanê dikin, di nava xwe de digire. Ji dema ku 2021’an Talîbanê li Kabîlê rêveberî bi dest xist û vir ve dem bi dem navbera her du welatan şer diqewime. Rêveberiya Efgan jî sûcdariyan red dike.
DI 3 MEHAN DE HERÎ KÊM 70 SIVÎL HATIN KUŞTIN
Li gorî rapora 8’ê Sibatê ya Mîsyona Alîkariyê ya Efganistanê ya Neteweyên Yekbûyî (UNAMA), di sê mehên dawî yên sala 2025’an de ji ber operasyonên hêzên Pakistanê li Efganistanê 70 sivîlan jiyana xwe ji dest dan, 478 kes birîndar bûn. Ji dema navîna Cotmehê û vir ve sînorê navbera her du welatan di asteke mezin de girtî tê hiştin; ev rewş di aliyê nerênî de bandorê li bazirganiyê û jiyana rojane ya gel a li xeta sînor dike.
