Parêzerên Buroya Hiqûqê ya Sedsalê Rezan Sarica, Raziya Ozturk, Faîk Ozgur Erol û Mazlûm Dînç ji bo hevdîtina bi miwekîlên xwe Rêberê Gelê Kurd Abdullah Ocalan,Omer Hayrî Konar, Hamîlî Yildirim û Veysî Aktaş, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Mafê hevdîtinê yê Abdullah Ocalan û her sê girtiyên din ên bi malbat û parêzeran re bi hincetên “cezayên disiplînê” tên astengkirin. Di navbera salên 2021-2024’an de her yek jê ji bo 3 mehan cezayê disiplînê li Abdullah Ocalan û girtiyên din hatin birîn û mafê wan ê hevdîtinê hate astengkirin.
Herî dawî Serdozgeriya Komarê ya Bûrsayê di 3’yê gulana 2024’an de derbarê Abdullah Ocalan û girtiyên di Girtîgeha Îmraliyê tên ragirtin de biryara qedexekirina hevdîtina bi parêzeran a 6 mehan da.
Li gel biryara dawî derbarê Abdullah Ocalan de di 8 salên dawî de de herî kêm 13 caran ji bo 6 mehan biryara qedexekirina hevdîtina bi parêzaran re hate dayîn.
