Di çarçoveya civînên DEM Partiyê de yên ji bo vegotina Pêvajoya Aştî û Civaka Demokratîk, Parlamenterê Amedê yê DEM Partiyê Serhat Eren û Berpirsyara Têkiliyên Derve û ji Alîkarên Hevserokên Giştî Ebrû Gunay 22’ê Mijdarê roja Şemiyê li Navenda Civaka Demokratîk a kurd a Victoria ya Melbourneyê beşdarî civînan gel bûn Di civînê de ku bi qasî 200 kes amade bûn, qonaxa dawî ya pêvajoyê hate vegotin û bersiv ji pirsên beşdaran re hate dayin.
EBRÛ GUNAY: PÊVAJO BI GAVÊN RADÎKAL DEWAM DIKE
Ebrû Gunay destpêkê axivî û biryara fesixkirina PKK’ê, merasîma şewitandina çekan a gerîla û vekişîna gerîla ji Bakurê Kurdistanê weke gavên gelekî girîng û radîkal pênase kir.
Ebrû Gunay diyar kir ku Rêber Apo hewl dide meseleya Kurd û Kurdistanê ji bin sernavê “ewlekariyê” derxîne, derbasî ser zemîneke hiqûqî bike û got, dewletê weke gava destpêkê li parlamentê bi beşdariya ji sedî 95’an komîsyon ava kir û biryar da ku bi Rêber Apo re hevdîtinê bike.
EREN: MÎSYONA DEM PARTIYÊ EW E KU HER BEŞÊ BEŞDARÎ PÊVAJOYA AŞTIYÊ BIKE
Parlamenterê Amedê yê DEM Partiyê Serhat Eren diyar kir ku mîsyona partiya wan ew e ku ji Kurdan, Elewiyan, sosyalîstan û raya giştî ya demokratîk re pêvajoya aştiyê vebêje û vê pêvajoyê civakî bike.
Eren got, “Berpirsyariya me ye ku em ji her kesî re qala pêvajoya aştiyê bikin. Ev hewldan wê aştiyê hiqûqî û mayinde bike. Em ê vî karî li kîjan her devera Kurdistanê û cîhanê pêwîst bike, li wir dewam bikin.”
