Nayera El Gamal pirtûk ji zimanê Tirkî wergerê zimanê Îtalî kir. Pirtûk ji çîrokên hêviya ku di dema berxwedana Kobanê de rû da û belavî hemû cîhanê bû, pêk tê.
Pirtûk çîrokên kesên ku di navenda berxwedanê de şer kirine û piştgirî dane berxwedana 134 rojan vedibêje.
Denîz Bîlgîn di nav qehremanên pirtûkê de, ligel mirovan, cih dide ax, dar û avê.
Denîz Bîlgîn, ku di sala 1978’an de li Dersimê ji dayik bû, ji ber sedemên siyasî neçar ma xwendina xwe nîvco bihêle û piştî ku li Tirkiyeyê di girtîgehê de ma ji welat derket. Ji bilî rojnamevaniyê xwe, ew bi berhemên xwe yên wekî ‘La terra dentro di me’, ‘La montagna che fa nascere il tempo’ û ‘La dea del monte Sosin* tê nasîn.
Bîlgîn wêjeyê wekî amûrek ji bo “ragirtina bîranîna mirovên ku ji bo azadiyê şer kirine” dibîne.
Çalakiyên danasînê
* 15’ê Cotmeha 2025’an: Danasîna fermî ya pirtûkê dê di çalakiyeke hevpar de bi Şaredariya Romayê re pêk were û nivîskar dê amade be.
* Cotmeh-Mijdar 2025’an: Çalakiyên danasînê dê li Mîlano û Bologna werin lidarxistin.
* 15’ê Mijdara 2025’an: Çalakiyek bi tevlîbûneke mezin dê li BookCity, pêşangeha pirtûkan a navneteweyî ya li Mîlanoyê were lidarxistin.
Navnasê Pirtûkê
Pioggia di nuvole
Nivîskar: Denîz Bîlgîn
Wergervan: Nayera El Gamal
Weşanxane: Calamaro Edizioni
Dîroka Weşanê: 6’ê Cotmeha 2025’an
Rûpel: 234
Bihaya wê: 18 €
ISBN: 979-12-81610-18-7
