Li Êlihê çalakiyên li dijî êrişên li ser Rojavayê yên Heyet Tehrîr El Şam (HTŞ), DAIŞ û komên paramîlîter ên ku ji aliyê Tirkiyeyê ve tên piştgirîkirin, bi rojan e berdewam dikin. Li Êlihê di 3 rojên dawî de ji 14 kesên ku hatin binçavkirin 2 jê zarok der barê 7 kesan de biryara girtinê hat dayîn. Navên kesên ku hatin girtin ev in: Ramazan Emun, Eyup Yegin, Feyruşşah Gonyeli, Şervan Demir, Devran Guven, Bariş Guven û Mehmet Emin Teymur.
DÊRSIM
Li Dêrsimê, Rubar Yazicı, Renas Ekmen û Baver Guçin, ku duh ji ber parvekirinên xwe yên li ser medyaya sanal hatibûn binçavkirin, bi tohmeta “endamtiya rêxistinê” hatin girtin.
AMED
Li Amedê 21 kesên ku li dijî êrişên li ser Rojavayê nerazîbûn nîşan dan, di serdegirtina malan de bi tohmeta “propagandaya rêxistinê” û “xeterkirina ewlehiya giştî” hatin binçavkirin. Li midûriyeta polîsan karê îfadeyê yê binçavkirinê didome.
