Partiya Jiyana Azad a Kurdistanê (PJAK), ji Kongreya Azadiya Îranê ku di 28-29’ê Adarê de li Londonê tê lidarxistin hatibû derxistin. Endamê Konseya Rêveber a PJAK’ê Revar Avdanan, ragihand ku piştî bertekên careke din li kongreyê hatine vexwendin.
Avdanan, têkildarî mijarê li ser hesabê xwe yê X’ê daxuyaniyek da û got: “PJAK’ê, piştî bi awayekî fermî hatî vexwendin, ji destpêkê ve helwesta Kongreyê erênî pêşwazî kir. Lêbelê piştre bêyî ku daxuyaniyeke zelal were kirin, nav û pozîsyona nûnerî ji bernameyê derxist ku ev jî li dijî rêgezên demokratîk bû. Li ser vê yekê PJAK’ê, ji hemû derdor û hêzên alîgiriya demokrasiyê dikin pişttiriyeke mezin girt û helwestekî rexneyî raber kir.”
Bi domdarî Avdanan, da zanîn ku piştî van rexneyan, hinek endamên Konseya Koordînasyona Kongreyê, piştî nîqaşên kûr pêvajoya guherandina vê rewşê domandin û di encamê de jî rê li ber feraseteke nû vekirin. Avdanan, diyar kir ku PJAK dîsa ji bo kongreyê hate vexwendin û nûnerê sereke yê partiyê dê tevlî kongreyê bibe û axaftinekê bike.
Avdanan, destnîşan kir ku PJAK spasiya hemû kesayetên standartên demokratîk parastin û ji bo reformekirina vê pêvajoyê xebitîn kir û got: “PJAK, destnîşan dike ku pirsgirêkên di navbera partiyên Kurd de hewceye di çarçoveya tifaqan de û bi rêya guftûgoyê bên çareserkirin.” Avdanan, got ku dê biçin kongreyê û bi çalak tevlî bibin.
Tê payin ku Avdanan, di rûniştina duyemîn a kongreyê de, îro di panela “Îraneke Ji Cihêkariyê Hatiye Paqijkirin; Tevlibûn û Hêza Hevpar” de axaftinekê bike.
