Partiya Jiyana Azad a Kurdistanê (PJAK) derbarê 14’emîn salvegera Destana Qendîlê ya li hemberî êrişên dewleta Îranê ku di 16’ê Tîrmeha 2011’an de destpêkiribû, daxuyaniyek belav kir.
PJAK’ê di daxuyaniya xwe de ewil hemû şehîdên têkoşînê bibîr anî û got, “Şehîdên me rêya me ronî dikin. Destana Qendîlê ku pêşketinek mezin di parastina rewa û rêxsitina medenî de bidest xist, xwedî destkeftiyek mezin bû. Derencama vê jî şoreşa Jin, Jiyan Azadî derket holê.
Rejîma Îranê di 16’ê Tîrmeha 2011’an de bi armanca bigihi serkefinek mezin dijî gelê Kurd, êrişî ser çiyayên Qendîlê kir. Bi saya parastina hêza berxwedêr û fedekariya gerîla, ev êriş hate têkbirin. Em di çardemîn salvegera vê destana mezin de, hemû şehîdan bibîr tînin. Destana Qendîlê destkeftiyek mezin bi xwe re anî. Îro bi saya vê destanê ber bi çareseriya demokratîk a pirsa Kurd ve pêngav tên avêtin.
Di Destana Qendîlê fermandar Simko Serhildan, Egîd Sine, Sarya, Zerdeşt, Berfrîn û hevalên wan ên din şehîd bûn û ev şehadet hemû ji bo armanca mezin a parastina gelê Kurd a li dijî zilmê bû.
Bi Destana Qendîlê ispat bû ku bijardeya leşkerî ya li dijî pirsa Kurd, ne bijardeyek guncawe û bisernakeve. Pirsa Kurd pirsek siyasiye û divê bi rêyên demokratîk were çareserkirin. Weke PJAK em di kesayeta şehîdên Destan Qendîlê, Simko Serhildan, Egîd Sine, Sarya, Zerdeşt û Berfînan de hemû şehîdên rêya azadiyê bibîr tînin.”
