Bi sedan jinên ku li kolana Hunerê hatin ba hev, dema xwestin bi dirûşmeyan bimeşin rastî êrîşa polîsan hatin. Polîsan êrîşî koma ku jin jî di nav de hebûn kirin û 18 kes bi lêdanê binçav kirin.
Navê hin kesên hatin binçavkirin wiha ne: Helîn Demîrtaş, Zeynep Tagtekîn, Gulcan Bedîrhanoglû, Selamet Înedî, Evîn Babûr, Yildiz Tûncer, Zahîde Kûtlû, Meryem Urgul, Mizgîn Kaya, Zeynep Sayiner, Delîl Aksoy, Veysî Şen, Hekîm Karşîn, Muhammed Orhan, Hazar Çelîk, Nêçîrvan Kaya, Ertûş Kaya û Necdet Sedat.
Çalakvanên ku rastî tundiya polîsan hatin ji bo muayeneyê birin Navenda Tipê ya Dûrsûn Odabaşi ya Zanîngeha Yuzuncu Yilê ya Wanê.
Tê payîn ku îfadeya kesên hatine binçavkirin di saetên êvarê de bê girtin.
