Civaknas Profesorê Zanîngeha Kaliforniyayê William I. Robinson peyamek ji Partiya Demokrasî û Wekheviyê ya Gelan (DEM Partî) şand û piştgirî da banga Rêber Apo. Robinson girîngiya azadiya Rêber Apo destnîşan kir û got, Rêber Apo ji bo siberoja Tirkiyeyê bi roleke sereke radibe.
Peyama Robinson bi vî rengî ye: “Ez vê nameyê ji Rêberê Gelê Kurd Abdullah Ocalan û DEM Partiyê re dinivîsim da ku piştgiriya xwe ji bo pêvajoya aştiyê ya li Tirkiyeyê tê meşandin diyar bikim. Em di serdemeke krîzeke kûr û veguherînên girîng di rêza cîhanê de derbas dibin. Ev serdem xetereyên mezin lê di heman demê de derfetên nû jî dihewîne. Ev rewş me neçar dike ku em ji nû ve bifikirin ka piraniya xizan û dûrketî çawa dikarin têkoşîna xwe ya ji bo azadiyê di civaka me ya cîhanî ya bi êş de pêşve bibin. Ezmûna gelê Kurd bi Konfederalîzma Demokratîk re di salên dawî de ev nîşanî me da. Îro, PKK pêşniyar dike ku ji têkoşîna çekdarî derbasî tevgereke civakî ya aştiyane û sosyalîst bibe. Ji bo ku ev pêvajo bi pêş ve biçe, divê çend gavên girîng werin avêtin; Berî her tiştî, divê li Tirkiyeyê înîsiyatîfek siyasî were pêkanîn ku wê vê veguherînê gengaz bike. Ya duyemîn; Divê têkoşîna Kurd û têkoşîna çînî ya proletaryayê ji bo veguherîna civakî bibin divê ev têkoşîn di warê sivîl de veguhere seferberiyek girseyî ya aştiyane. Aştiya rastîn tenê bi rêya edaleta civakî mimkun e. Di dawiyê de, divê Abdullah Ocalan ku rêberê pêvajoya aştiyê û aktorekî sereke ye di paşeroja Tirkiyeyê de azad bibe.”
