Navenda Ragihandina Hêzên Sûriya Demokratîk (QSD) bi daxuyaniyekê diyar kir ku hikumeta demkî îdia dike ku hêzên QSDˊê nahêlin sivîl ji bajarê Dêr Hafirê derkevin, lê ev îdia dûrî rastiyê ne.
QSDˊê di daxuyaniya xwe de ev agahî dan: “Hêzên me îdiayên ˋWezareta Parastinêˊ ya Şamê ku dibêje QSDˊê nahêle sivîl ji bajarê Dêr Hafirê derkevin derewandin. Em diyar dikin ku astengiya tevgera sivîlan ji ber aloziya leşkerî, sewqiyet û topbaranên berdewam ên komên Şamê ye. Di heman demê de wê bi xwe tevahî deriyên bi ser herêmên Bakur û Rojhilatê Sûriyeyê ve li gorî daxuyaniya di 6ˊê Çileyê de hatiye dayîn, girtine. Ev îdia hatiye derxistin, girtiye. Ev yek nakokiya vegotina wan aşkera dike.
Em diyar dikin ku tu koçberkirina sivîlan di bin gefên bikaranîna hêzê ji aliyê Şamê ve, li gorî peymana Cinêvê ya 4ˊan û pergala Roma ya Bingehîn sûcekî şer e. Di wan peymanan de hatiye gotin ku hedefgirtina sivîlan, tirsandina wan qedexe ye, tundiya ku dihêle koçberiya bi darê zorê çêbibe sûc e.
Em bang li civata navneteweyî, NYˊyê û rêxistinên hiqûqî dikin ku van kiryarên xeternak ku dibe ku zêdetirî 170 hezar sivîl li gel rewşa hawayî ya nebaş koçber bibin, şermezar bikin.
Îro, gelê Dêr Hafirê îsbat kir ku bi xak û malên xwe ve girêdayî ne û tu aliyekî nikare mafên wan ên mayînê di bin tu zexteke leşkerî de ji wan bistîne.”
