Navenda Ragihandina Hêzên Sûriya Demokratîk (QSD) têkildarî îdiayên Wezareta Parastinê ya hikumeta veguhêz a Sûriyeyê ku QSDˊê nuqteyek wan li nêzî Bendava Tişrînê hedef girtiye û di encamê de 2 leşkerên wê hatine kuştin û yek jî birîndar bûye, daxuyaniyek da.
Di daxuyaniya QSDˊê de wiha hate gotin: “Ajana SANAˊyê ku agahiyên xwe dispêre Wezareta Parastinê ya sûriyeyê diyar kir ku di êrişa QSDˊê ya li dijî nuqteyeke leşkerî ya nêzî Bendava Tişrînê ya gundewarê Helebê de 2 leşkerên wan hatine kuştin û yek jî birîndar bûye.
Em QSDˊê diyar dikin ku ev agahî bi tu awayî ne rast in û hêzên me li herêma navborî tu çalakî pêk neanîne.
Li gorî daneyên meydanî yên li gel me, bûyer ji ber teqîna mayînekê li derdora nuqteya leşkerî ya hikumeta Şamê pêk hatiye û tu têkiliya hêzên me pê re tune ye.
Em bi rêgeza kêmkirina rageşiyê û parastina îstîqrarê li eniyên şer û berdewama hewlên neteweyî yên rûbirûbûna gefên li dijî ewlehî û aştiya şêniyên me ji hemû pêkhateyan, pabend in.
Em ji medyayên ragihandinê daxwaz dikin ku rast bin û xwe bispêrin çavkaniyên pêbawer, û nûçeyên xelet belav nekin, ji ber ku ew nûç dikarin rageşiyê gur bikin an raya giştî bixapînin.”
