Navenda Ragihandina Hêzên Sûriyeya Demokratîk (QSD) bi daxuyaniyekê diyar kir ku serçeteyê şaneyeke DAÎŞ’ê li bajarokê Dernic ê rojhilatê Dêrazorê girtiye û li bajarokê Ebrîha yê heman bajarî êrişa dijî bendeke ewlehiyê têk biriye.
Di daxuyaniyê de hate gotin ku “Hêzên Meclisa Leşkerî ya Hecînê ya QSD’ê êrişa şaneyeke terorîst a DAÎŞ’ê ya li bajarokê Dernic têk biriye, di encamê de serçeteyekî wê şaneyê hate girtin. Ew serçete piştî di pevçûnê de birîndar bû hate girtin. Di pevçûnê de şervanekî me şehîd bû û 2 şervan jî birîndar bûn.
Li bajarokê Ebrîha jî şaneyên rêxistina terorîst hewl da bi motorsiklêtan û çekên klaşînkovê êrişî bendeke ewlehiyê bikin, lê şervanên me bersiv da û êriş têk bir. Bi wê re endamên terorîst, piştî yek ji wan birîndar bû, paşve vekişîn. Dûre jî hêzan ji bo misogeriya ewlehî û îstîqrarê li herêmê hemleyeke paqijkirinê da destpêkirin.”
