Navenda Ragihandinê ya QSD’ê li ser şehadeta 2 şervanên xwe daxuyaniyek da. Daxuyanî bi vî rengî ye:
“Hevreyê me Kobanê (Ehmed Mihmûd Kenco) li eniyên Kobanê dema erkên xwe bi cih dianî şehîd bû. Hevreyê me Dijwar Qidûrbeg (Mihemed Ebdulezîz Osê) jî li eniyên Dêr Hafirê dema bersiva êrişên dewleta Tirk a dagirekr û çeteyên wê yên li ser herêmê dida şehîd bû.
Hevreyê me Kobanê bi fedakarî û dilsozî di nava refên hêzên me de kar kir. Tevî ku bi birîndarî tevlî nava refên hêzên me bû, lê di şarezayiya şer de bi pêş ket. Li gel exlaqê wî yê bilind, hezkirina wî ji kar re û pabendbûna bi talîmat û rêgezên dîsîplînê, asteke pêşketî ji ezmûnên leşkerî û zanebûna armancên tekoşînê bi dest xist.
Hevreyê me Dijwar Qidûrbek, hevalekî mutewazin bû, bi kelecan û bi lez berê xwe dida kar. Hevreyekî wêrek bû û ji zehmetiyan neditirsiya. Bi rihê têgihîştinê û hezkirina zanînê bi her tiştê nû re mijûl dibû. Xema wî ya herî mezin xebat û têkoşîna hevpar bû; ji ber dizanî ku xebata hevbeş encamên wê mezintir û garantîtir in. Lew ra girêdana wî bi hevalên wî zêdetir bû. Şehadeta wî bandoreke mezin hişt.
Em seraxiyê ji malbatên her du şehîdan û tevahî malbatên şehîdên xwe re dixwazin. Biryara me mezinkirna berxwedan, têkoşîn û pêkanîna armancên şehîdan zêdetir dibe.”
Agahiyên der barê nasnameyên şehîdan de wiha ne:
Nasnav: Kobanê
Nav û Paşnav: Ehmed Kenco
Navê Dayikê: Edûle
Navê Bav: Mehmûd
Cihê Jidayikbûnê: Kobanê
Cih û Dîroka Şehadetê: Kobanê-26 Adar 2025
Nasnav: Dijwar Qidûrbeg
Nav û Paşnav: Mihemed Osê
Navê Dayikê: Îlham Osman
Navê Bav: Ebdulezîz
Cihê Jidayikbûnê: Qamişlo
Cih û Dîroka Şehadetê: Dêr Hafir-24 Adar 2025.
