Rêveberiya Xweseriya Demokratîk a Herêma Bakur û Rojhilatê Sûriyeyê li ser malpera xwe ya fermî têkildarî êrişên çeteyên girêdayî dewleta Tirk ên di nava hikumeta demkî de yên li dijî taxên Şêxmeqsûd, Eşrefiye û Benî Zêd ên Helebê, daxuyaniyeke nivîskî da.
Di daxuyaniyê de hate gotin:
“Rêveberiya Xweseriya Demokratîk a Herêma Bakur û Rojhilatê Sûriyeyê bi fikar û şermezarkirineke mezin daxuyaniya ku ji aliyê hêzên leşkerî yên hikumeta demkî ya Sûriyeyê ve derketiye, dişopîne ku tê de gefên aşkera ji bo hedefgirtina taxên Şêxmeqsûd û Eşrefiyê yên bajarê Helebê dixwe û wan wek “armancên leşkerî yên rewa” bi nav dike, di heman demê de daxwaza valakirina wan bi rêya korîdorên mirovî yên demkî dike.
Em teqez dikin dikin ku QSD li taxên Şêxmeqsûd û Eşrefiyê tune ne û ev tax deverên niştecihbûnê yên bi sivîlan e ku piraniya şêniyên wan Kurd in, di nav de hejmareke mezin ji koçberên bi darê zorê ji Efrînê ku di salên dawî de zehmetî û koçberî kişandine. Ji ber vê yekê, çi êrişên leşkerî, topbaran û hedefgirtina van taxan binpêkirineke berçav ji qanûnên mirovî yên navneteweyî ye û berdewama siyasetên dijminatî li dijî gelê Sûriyeyê bi hemû pêkhateyên wê bêyî cudahî ye.
Berdewama topbaran, êriş û zêdebûna neqanûnî û bêserûber li ser taxên Şêxmeqsûd û Eşrefiyê, li gel êriş û binpêkirinên ku li deverên berava Sûriyeyê, başûrê Sûriyeyê û deverên din ên Sûriyeyê tekez dike ku ev kiryar xizmeta aramiya welêt nakin lê dibin sedema bêaramiya welat, xirakirina ewlehiyê û gurkirina pevçûnê û ev yek Sûriyeyê dûrî lihevkirina nîştimanî, çareseriya siyasî û yekitiya nîştimanî ya xwestî, dixe.
Tevî pabendbûna bi şertên peymana 1`ê Nîsanê lê aliyê din bendên wê pêk neanîn, di siyaseta xwe ya dorpêçkirin û gurkirinê de israr kiriye. Her wiha em tekez dikin ku tevî hewldanên me yên dubare ji bo pêwendiyê, vekirina rêyên diyalogê û beşdarbûna di nîqaşên cidî de, Wezareta Parastinê ya hikumeta demkî ya Sûriyeyê berdewam e, diyalogê red dike û li ser zimanê gefan û şer bi israr e.
Em bi aşkera radigihînin ku em li dijî her cure rageşiya leşkerî ne. Ji ber ku gel welat e û ew yê yekem û dawîn e ku di şer û pevçûnan de winda dike. Gelê Sûriyeyê ji ber salên dirêj ên wêranî û şeran gelek êş kişandiye, şer ji bilî êş, parçebûn û bêhêvîtiyê tiştek bi xwe re neaniye.
Ji ber vê yekê, em bang li berpirsên hikumeta demkî ya Sûriyeyê dikin ku berpirsyariyên xwe yên exlaqî û nîştimanî li hember bûyerên diqewimin bigire ser milê xwe, vegerin ser rêya aqil û mentiq, diyalogê wek yekane zimanê çareserkirina nakokiyan bi kar bîne û derfetê nedin kesên ku destwerdanê dikin û ajandeyan ku tenê xizmeta dijminê gelê Sûriyeyê dike û dixwazin bi rêya hilweşandin û parçekirina Sûriyeyê armancên xwe pêk bînin.
Her wiha em bang li gelê Sûriyeyê dikin nexasim ciwanên Sûriyeyê ku dûrî mentiqa şer û çekan bikevin, dengê rastiyê bilind bikin, tundiyê red bikin û nirxên jiyana hevbeş û biratiyê di navbera hemû pêkhateyên Sûriyeyê de biparêzin.
Di dawiyê de, Rêveberiya Xweseriya Demokratîk a Herêma Bakur û Rojhilatê Sûriyeyê piştgiriya xwe bi gelê me yê sivîl ê li taxên Şêxmeqsûd û Eşrefiyê û bi hemû zarokên gelê Sûriyeyê yên ku rastî binpêkirin û êrişan tên re, radigihîne û pabendbûna xwe bi vebijêrka çareseriya siyasî ya demokratîk û avakirina Sûriyeke yekbûyî, demokratîk û nenavendî ku maf, rûmet û edaletê ji hemû zarokên xwe re bêyî cudahî garantî dike, tekez dike.”
