Tora Mafên Mirov a Kurdistanê, di daxuyaniyek de eşkere kir ku rewşa tendirustiya girtiya siyasî ya Kurd Werîşe Muradî ku cezayê darvekirinê lê hatiye birîn, nebaşe.
Hat diyarkirin ku Werîşe Muradî ya li girtîgeha Evîn ya Tehranê de tê ragirtin, heta niha ji bo nexweşxaneyê nehatiye birin.
Her wiha hate ragihandin ku Werîşe Muradî ji ber nexweşiyên feqerata mil û nexweşiya mejî nerehete. Hate diyarkirin ku beriya niha bijîşkan jêre gotiye ku pêwîstî bi emeliyetê heye, lê berpirsên girtîgeha Evîn rê nadin ew here nexweşxaneyê.
Di 17’ê Hezîrana 2024’an de, Werîşe Muradî ji aliyê Şaxa 15’emîn a Dadgeha Şoreşê ya Tehranê ve, bi biryara Dadwer Ebulqasim Selewatî ve bi tometa “endama rêxistinê” hat tometbarkirin û di 10’ê Mijdara 2024’an de cezayê darvekirinê lê hate birîn.
