Şandeya Rêveberiya Xweser a Kantona Kobanê niha li avahiya parêzgeha Helebê bi şandeya parêzgeha Helebê dicivê.
Şandeya Rêveberiya Kobanê Ferhan Hac Îsa, nûnerên Rêxistinan ên Kobanê û rûsipiyên êlên pêkhateya ereb pêk tê. Şandeya parêzgeha Helebê jî ji Fermandarê Ewlehiya Hundirîn ê parêzgeha Helebê Mihemed Ebdulxenî û cîgirê parêzgeha Helebê Elî Henûre û rêveberên ewlehiyê yên girêdayî Hikûmeta Demkî ya Sûriyeyê pêk tê.
Her du şande wê di çarçevê lihevkirina di navbera QSD`ê û Hikûmeta Demkî ya Sûriyeyê bi taybet bendên girêdayî Kobanê, vegera koçberan, danûstandina Hêzên Ewlehiya Hundirîn (ASAYÎŞ) û Hêzên Ewlehiyên ên girêdayî Hikûmeta Demkî ya Sûriyeyê bihevre û rêbazên rakirina dorpêçê li ser bajarê Kobanê, nîqaş bikin.
Şandeya Rêveberiya Kobanê piştî civînên di navbera her du aliyan li Kobanê çêbûn, serdana Helebê kirin.
