Saziyên Elewiyan yên ku li Stenbolê li hev civiyan, êrîşên qirkirinê yên çeteyên cîhadîst ên girêdayî hikûmeta demkî ya Sûriyeyê li ser gelê Elewî tê meşandin protesto kirin. Gelek partiyên sosyalîst ên mîna ESP, Kaldiraç, Partîzan, SEP, TÎP û Yeşil Sol piştgirî dan çalakiya ku li Qada Khalkedon a Kadikoyê hat lidarxistin. Di çalakiyê de pankarta "Qirkirina Elewiyên li Sûriyeyê rawestînin" hat hilgirtin û dirûşmeyên bi Erebî û Tirkî “Qatil Colanî, hevkar AKP," û "Qatil Colanî ji Sûriyeyê derkeve" hatin berzkirin. Saziyên Elewiyan diyar kirin ku ew zîhniyeta li pişt êrîşên li ser Elewiyên li Sûriyeyê ji Sêwas, Mereş, Çorûm û Gaziyê nas dikin û gotin, ”Elewî wê çong daneynin! Hûn nikarin bi me çong deynin!”
PEYAMA PIŞTGIRIYÊ DAN GELÊ VENEZUELAYÊ YÊ KU DI BIN ÊRÎŞA DYE’YÊ DE YE
Daxuyanî bi Erebî û Tirkî hat. xwendin. Di daxuyaniyê de êrîşa emperyalîst a ku ji hêla DYE’yê ve li dijî Venezuelayê hatî destpêkirin hat protestokirin û peyama hevgirtinê piştgiriyê dan gelê Venezuelayê yê ku di bin êrîşa DYE’yê de ye. Cîgirê Serokê Federasyona Elewî Bektaşî Aydin Denîz daxuyanî bi Tirkî xwend û diyar kir ku di ser serdema HTŞ’ê ya selefî ya cîhadîst ku ji hêla dewletên emperyalîst û hêzên herêmî yên hevkar ve wekî "Sûriyeya nû", "Serdema nû li Sûriyeyê" û "Şoreşa Sûriyeyê" tê pêşkêşkirin, salek derbas bû. Denîz anî ziman ku di salekê de Sûriyeyek nearam, kaotîk û bê pêşrojhat avakirin û destnîşan kir ku rêveberiya HTŞ'ê, ku hatiye ser desthilatê ji bilî komkujî û gefên li dijî gel tiştek pêşkêş nekiriye û li ber çavên cîhanê sûcên mezin kiriye.
Denîz destnîşan kir ku ev koalîsyona çeteyan a ku paşeroja wê bi sûc û tundiyê tije ye ji bilî komkujî, zilm û gefan ti têkilî bi gelên Ereb, Elewî, Durzî, Kurd, Xiristiyan û Sunniyên daneyniye.
‘DI SALA 2025’AN DE LI DIJÎ ELEWIYAN KOMKUJIYEKE MEZIN PÊK HAT!’
Denîz bi bîr xist ku di dîroka Sûriyeyê de di Adara 2025'an de li dijî Elewiyan yek ji komkujiyên herî mezin pêk hat û destnîşan kir ku êrîşên ku mîna ku di qanûnên navneteweyî de hatiye pênasekirin ev hewldanek qirkirinê ye. Denîz diyar kir ku di êrîşan navbera 6-8ê Adarê de pêk hatin, zêdetirî 15,000 Elewî ji aliyê çeteyên selefîst ên cîhadîst ên HTŞ’ê ve hatin qetilkiirn û got, “Bi ser gundan de girtin, komkujî kirin, jin hatin revandin û mirov di gorên komî de veşartin. Civaka navneteweyî li hember vê qirkirinê bêdeng ma, medyaya AKP’ê û qaşo medyaya Rojavayî hewl dan ku qirkirinê înkar bikin. Kesên ku hewl da balê bikişîne ser tiştê ku qewimîne hatin tehdîtkirin û yên ku mafê jiyanê parastin hatin krîmînalîzekirin. Hêmanên herêmî yên ku hewldana qirkirinê erê dikin û gefê li Elewiyan dixwin, hîn jî bi serbestî di nav me de digerin, gefên û gotinên li dijî welatiyên Elewî didomînin."
'EM PIŞTGIRIYA DAXWAZÊN GELÊ ELEWÎ YA JI BO HEMWELATIYA WEKHEV Û JIYANEKE BI RÛMET DIKIN!'
Denîz diyar kir ku polîtîkayên nefretê yên li dijî gelê Elewiyên li Sûriyeyê bênavber berdewam dikin û destnîşan kir ku Elewî ji kolanan têne revandin û tên qetilkirin, cihên wan ên îbadetê têne bombebarankirin û jin û zarokên Elewî di bin êrîşê de ne. Denîz diyar kir ku gelê Elewî têkoşîna xwe ya li dijî înkarkirina mafên hemwelatîbûna wekhev berdewam dikin û wiha got: "Şert û mercên herî kêm ên ji bo jiyaneke bi rûmet û dadwerî: naskirina nasnameyên olî, nasnameyên olî û etnîkî yên hemû gelan di destûra bongehîn de bûn misogerkirin, gel çarenûsa xwe diyar bikin, hemû aliyên komkujiyê bên eşkerekirin, sûcdarên komkujiyê, revandin û koçberkirinê bên darizandin. Bi vê boneyê, em çalakiya rûniştinê ya ku ji hêla Elewiyên Sûriyeyê ve ji bo jiyaneke bi rûmet, dadwerî û mirovî hatiye destpêkirin silav dikin."
Denîz anî ziman ku ew xwedî li daxwazên Elewiyên li Sûriyeyê derdikevin û bi wan re di nava hevgirtinê de ne û got, "Em ê piştgiriyê bidin berxwedana gelê Elewî ya ji bo jiyaneke bi rûmet daye destpêkirin. Em ne bêdengiyeke lerzok in. Em hêrsa rûmetê ne ku dema pêwîst be radibe ser piyan. Em ê wekî rehên ku li ser van axan nayên qutkirin bimînin!"
