Rêxistina bajarê Îzmîrê ya Partiya Demokrasî û Wekheviyê ya Gelan (DEM Partî), Tevgera Jinên Azad (TJA), Komeleya Kesên Xizmên xwe Winda kirine ya Anatoliyê (ANYAKAYDER), Înîsiyatîfa Dayikên Aştiyê ya Îzmîrê Zekiye Alkan li ser gora wê bi bîr anîn, ku sala 1990’î li ser sûrên Amedê bedena xwe da ber agir.
Bîranîn li Goristana Bajêr a Îzmîrê pêk hat û pankarta bi nivîsa “Zekiye Alkan wê di agirê Newrozê de bê bîranîn, agirê Newrozê bi qirşikan nayê dadan, agirê Newrozê herî zêde bi agirê mirov tê dadan” hate hildan û dirûşmên ‘Jin, Jiyan, Azadî’ û ‘Bijî Serok Apo’ hatin qîrîn.
Dayika Aştiyê Medîne Kaymaz Newroz li Rêber Apo pîroz kir û got, “Rêberê Gelê Kurd emrê xwe da azadiyê, 27 sal in li Girtîgeha Îmraliyê di bin zilmê de ye. Dewleta Tirk li pêşberî daxwaza me ya aştiyê deriyê girtîgehê venake. 27 sal in di êşkenceyê de ye. Di vê roja girîng de bila daxwaza aştîxwazan bê qebûlkirin.”
Parlamenterê Îzmîrê yê DEM Partiyê Îbrahîm Akin jî got, “Gelek hevrêyên mîna Zekiye Alkan ji bo aştî û azadiyê têkoşiyan. Di encama vê têkoşînê de Newroz bi nasnameya gelê Kurd li Rojhilata Navîn û cîhanê rewa bû.”
Piştre li ser gora Zekiye Alkan find hate vêxistin û loqma hate belavkirin.
