Li Wargeha Penaberan a Şehîd Rustem Cûdî (Mexmûr) ji bo şermezarkirina Komploya Navneteweyî ya 9’ê Cotmeha 1998’an û şikandina tecîrê meşekî girseyî hate lidarxistin.
Meş li ber avahiya Saziya Malbatên Şehîdan destpê kir û heta avahiya NY’ê dewam kir. Di meşê de bê navber dirûşemyên “9’ê Cotmehê rûreşiya dewletê”, “Bê Serok Jiyan Nabe”, “Bijî Serok Apo” hatin berzkirin. Her wiha di nava meşê de al û posterên Rêber Apo, alên YJA-Star û dowîzên bi nivîsa “Bi ruhê pêvajoya aştî û civaka demokratî em ê komploya 9’ê Cotmehê têk bibin, Dem dema azadiyê ye tecrîdê bişkênin faşîzmê hilweşînin Kurdistanê azad bikin, Em bê helwestiya konseya mafê mirovan şermezar dikin, Bêyî mafê hêviyê aştî nabe û Bi şîara banga aştî û civaka demokratîk bi pêngtiya jinan emê aştiyê mîsoger bikin” hatin hilgirtin.
Piştî ku meş gihişt ber avahiya Neteweyên Yekbûyî, li wê derê daxuyaniyek hat dayîn. Beriya ku daxuyanî were dayîn, di kesayeta şehîdên meha Cotmehê de ji bo tevahî şehîdên Tevgera Azadiya Kurdistanê deqeyek rêz hat girtin.
Piştî rêzgirtinê têkildarî komploya 9’ê Cotmehê daxuyaniyek ji aliyê Mamoste Bêrîvan Demir ve hat dayîn.
Bêrîvan Demir wiha got: “Ji dîrokê jî tê zanîn gelê Kurd her tim bi komployên cûr ber cûr re rû bi rû maye ku yek ji van jî 9’ê Cotmehê ye. Dewletên weke Îngilîsan, Îsraîl û tevahî dewletên NATO xwestin bi plangeriyeke giştî bi dîlgirtina Rêber Apo re tevahî gelê Kurd tine bike. Dema em îro dibêjin 9’ê Cotmehê, di ruhê me de êşekî pir mezin û birînekî kûr dihêle, lê li beramberî vê jî berxwedanek pir mezin û rêxistinek bihêz, gelek azadîxwaz û dostên me jî bi cih bûne. Dibe ku yek ji gelên di Rojhilata Navîn de herî zêde êş kişandine gelê Kurde. Lê divê em vêya bizanibin eger em îro li vê derê ser piyan in û dibêjin ‘Kesek Nikare Roja Me Tarî Bike’ hê jî îradeya me xurte . Eger em bi van dirûşmeyan xwe li ser lingan digirin, em baş bizanibin bi ked û ramanên Rêbertî, şervanên azadiyê û gelê welatparêz yê rêxistinkirî ye.”
Bêrîvan Demir di dawiya axaftinên xwe de ev tişt got: “Dewletên ku yekgirtî yên ku dixwestin me tine bikin, êdî şaş û maşo bûne. Em ji pêşeroj û ciwanên xwe re dibêjin, eger em îro li vêderê ne, divê em vê rojê ji bîr nekin û hay jê hebin ku komployên li ser gelê Kurd tên berdewam kirin. Ev roj ji bo ku me ji dîrokê xilas bikin, ji bo vê paradîgmaya heyî ji nav bibin hatiye afirandin. Ji bo ku em bikaribin vê komployê vala derbixînin divê em bikaribin bi rêxistinbûyîna xwe, bi manîfestoya ku îro Rêber Apo bi me daye naskirin pêş bixin û di nava civakan de belav bikin. Wek gelê Wargeha Mexmûr rojane bi plan û kompoyên dijminane re rû bi rû dimînin. Hemû komployên ku tên kirin, berdewama komploya ku li ser Rêber Apo hatî meşandin e.”
Meş bi dirûşmeyên “Bijî Serok Apo”, “Bê Serok Jiyan Nabe” bi dawî bû.
