Malbata gerîlayê şehîd ê HPG’ê Kadrî Olaş (Munzûr Mordem) li Taxa Karşiyaka ya navçeya Elkê ya girêdayî Şirnexê şîn danî.
Bi pêşengtiya MEBYA-DER’ê gelek siyasetmedar û nûnerên rêxistinên civakî li navenda navçeyê kom bûn û bi berzkirina dirûşmeya ‘’Şehîd namirin’’ heya mala şînê meşiyan. Girseyê li cihê şînê merasîma rêzgirtinê li dar xist û ji malbatê re sersaxî xwest.
Hevserokê Bajêr ê Şirnexê yê DEM Partiyê Ramazan Ûysal bal kişand ser Pêvajoya Aşitî û Civaka Demokratîk ji aliyê Rêber Apo ve hate destpêkirin û anî ziman ku divê hemû kes piştgiriyê bide pêvajoyê.
Hevserokê Bajêr ê Mersînê yê DEM Partiyê Reşat Aşan jî diyar kir ku ji bo mezinkirina birêxistinbûnê ew ê têbikoşin.
