Serokê Yekîtiya Nîştimanî ya Kurdistanê (YNK) Bafil Celal Talebanî bi boneya 11’emîn salvegera komkujiya Şengalê, peyamek weşand.
Talebanî di peyama xwe de ragihand ku ewê wek YNK hertim piştgiriyê bidin daxwazên Êzidiyan û got, “Di salvegera Jenosîda Êzidiyan ya li Şengalê de, em hevsozî û hevxemiya xwe ji bo xwişk û birayên Êzidî dubare dikin. Ev sucê hovane ku ji aliyê terorîstên DAIŞ’ê ve hatiye kirin, di dîroka mirovahiyê de rûpelek reşe û wê ti carî ji bîra me neçe. Em hêvîdarim ku Êzidî bi serbilindî vegerin ser cih û warên xwe.”
Bafil Talebanî di dewama peyama xwe de got; “Yekîtiya Niştimanî ya Kurdistanê (YNK) dê berdewam piştgiriya daxwazên Êzidiyan bike û ya herî girîng jî, divê Iraq tazmînata madî û manewî ji bo malbatên qurbaniyan bide û ji bo avakirina Şengalê kar bike.”
