Demek berê, Serokwezîrê Iraqê Muhammed Şiya es-Sudanî bi telefonê bi Fermandarê Giştî yê QSD’ê Mazlûm Abdî re axivî.
Di axaftinê de her du alî, pêşketinên dawî, rewşa ewlehiyê ya Sûriyê û bandora wê li ser ewlehî û aramiya herêmî û ewlehiya navxweyî ya Iraqê nirxandin. Sudanî her wiha bal kişand ser parastina yekparebûna axa Sûriyê.
Sudanî got ku divê di çareserkirina pirsgirêkan de zimanê diyalogê bê bikaranîn û girîngiya parastina mafên hemû pêkhateyên Sûriyê hate destnîşankirin. Her wiha da zanîn ku divê reva terorîstan ji girtîgehan bê astengkirin, da ku ew ji bo ewlehiya Sûriyê, Iraqê û bi giştî herêmê nebin metirsiyekê.
