Navenda Ragihandinê ya Hêzên Sûriyeya Demokratîk (QSD) der barê şehadeta şervanekî de daxuyaniyek weşand.
Di daxuyaniyê de hate diyarkirin ku şervanê Hêzên Komandos Hûsam Cûma Hîlal dema erka xwe ya leşkerî li eniya li rojhilatê Kobanê bi cih dianî, mayîneke berê ya çeteyên DAIŞˈê pê ve teqiya û şehîd bû.
Di daxuyaniyê de hate gotin: “Hevreyê me bi awayekî çalak mîsyona xwe bi cih dianî. Bi rihê xwe yê hevaliyê yê bilind dihat nasîn, nêzî hemû hevreyên xwe bû, leheng û xwedî exlaqekî durist bû.”
Di daxuyaniyê de sersaxî ji malbata şehîd Hûsam û hemû malbatên şehîdan re hat xwestin û soza pêkanîna xeyalên wan ên avakirina welatekî ewle yê bê dagirkirî û terorîst hate dayîn.
NASNAMEYA ŞEHÎD
Nasnav: Hûsam
Nav û Paşnav: Hûsam Hîlal
Navê Dayikê: Sebah
Navê Bav: Cûma
Cih û Dîroka Jidayikbûnê: Reqa 2004
Cih û Dîroka Şehadetê: Kobanê-Çelebiyê, 15 Mijdar 2024.
