Li herêma Alîbogazi ya di navbera navçeyên Xozat, Pulur û Çemişgezekê yên Dersimê de ye şewat derket. Şêniyên herêmê û agirkujiyan mudaxeleyî şewata ku li herêma Geliyê Tagarê derketibû, kirin. Xebatên vemirandina şewatê berdewam dikin.
Li daristana taxa Kaynaklar a navçeya Buca ya Îzmîrê şewat derket. Çar balafir, pênc helîkopter, 15 kamyonên avê, heft tankerên avê û çar buldozer mudaxeleyî şewatê dikin. Ji ber şewatê çûn û hatina rêya Îzmîr-Aydinê bi kontrol tên derbaskirin.
Şewata ku li zeviyeke taxa Gurpinar a navçeya Çîvrîl a Denizliyê derket, bi destwerdana agirkuj û gundiyan ve hate kontrolkirin.
Li taxa Karaçulha ya navçeya Fethiye ya Muglayê qadeke mêrgê şewitî. Tîmên agirkujiyê mudaxaleyê şewtê kirin. Her wiha şewat bandor li gelek serayan kir û depoyek şewitî.
