Serokê YNK’ê Bafil Talebanî bi wesîleya Cejna Cemayê ya Êzidiyan peyamek pîrozbahiyê pêşkêşî civaka Êzidî kir.
Talebanî di peyama xwe de dibêje ku ew ê parastina mafên Êzidiyan bidomînin û got, “Em ê ji bo baştirkirina rewşa Şengalê û vegera penaberan a ser Şengalê hewldanên xwe bidomînin.”
Talebanî di beşek din a peyama xwe de dibêje: “Em piştgiriya bi Êzidiyan re wek erkê xwe dibînin.”
Xelkê Êzidî her sal 6’ê Cotmehê li mezargeha Laleş a li navçeya Şêxan a 40 kîlomtere dikeve rojhilatê bajarê Duhokê yê Başûrê Kurdistanê wezîfeya xwe ya hecê pêk tînin. Îsal jî cejin li perestgeha pîroz a Êzidiyan, Perestgeha Laleşê tê pîrozkirin. Pîrozbahiyên li Laleşê di nav gel de bi navê “ Cemaya Şêx Hadî” tên naskirin. Cejna Cemayê ya îsal dê hefteyekê bidome û tê texmînkirin ku bi deh hezaran kes beşdarî çalakiyên vê cejnê bibin.
