Serokwekîlê Koma Partiya Demokrasî û Wekheviyê ya Gelan (DEM Partî) Sezaî Temellîo li meclîsê civîna çapemeniyê lidar xist.
Temellî anî ziman ku Rojhilata Navîn di nava şer de ye, li cîhanê jî amadekariya şer heye û got, “Cîhan hatiye ber Şerê Cîhanê yê 3’yemîn ê giran. Bandoreke neyînî û giran a vê yekê li ser aboriyê heye. Krîza aborî jî herî zêde bandorê li welatên lawaz dike, ku Tirkiye yek ji wan e.”
‘BANGA ABDULLAH OCALAN RÊ NÎŞAN DIDE’
Sezaî Temellî destnîşan kir ku yekane rêya çareseriya krîza li meclîsê, kolanan, febrîqeyan, zeviyan lihevkirina bi feraseta civaka demokratîk e û got, “Pêwîstiya me bi zemîneke lihevkirina demokratîk heye. Ev bang ji ku hat? 27’ê Sibatê ji Îmraliyê hat. Ev pênaseya ku di banga Birêz Ocalan de ahte kirin, ji bo pêvajoya siyasî ya dema bê, rê nîşan dide û gelekî girîng e. Meseleya lihevkirina demokratîk ku rê nîşan dide, divê em hemû tevkariyê lê bikin; desthilatdarî lihevkirin li aliyekî hewl dide lihevkirina bajêr jî weke sûc nîşan bide.
Desthilatdarî çi dike? Desthilatdarî li ser guhê xwe razayî ye, ji 27’ê Sibatê û vir ve xwe nalivîne, qerisî ye. Gavekê neavêje. Em ji desthilatdariyê timî heman tiştî dibihîzin. Dibêje bila PKK kongreya xwe bike, PKK dest ji çekan berde. Baş e, PKK wê çawa kongreyê pêk bîne? Ji bo rê û rêbazên pêkanîna kongreyê ti gav nehatiye avêtin. Ewlekariya kongreyê, şert û mercên hiqûqî yên kongreyê, Birêz Ocalan wê çawa tevlî bibe, biryarên di kongreyê de wê bi çi rengî bêne wergirtin, li ser van nayê axaftin. Timî qala çekdanînê tê kirin. Wê çawa çekê dînin. Lewma di meseleya çekdanînê de weke ku hewldaneke mijûlkirinê heye, xwedubarekirin heye. Dawî li vê mijûlkirinê bînin. Dawî li sorkirinê bînin. Cidî bin, rasteqîn bin, gava aştiyê biavêjin û bersivê bidin bendewariyên civakê. Pêwîstiya civaka demokratîk çi be d, wê mijarê de meclîsa amade ye. Meclîs amade ye li ser zemîneke lihevkirinê bicive. Amade ye komîsyonan ava bike û danûstandinan bike. Heyeta partiya me di vê mijarê de karekî berfireh meşand, ji niha û pê ve jî wê vî karî dewam bike.”
