Di daxuyaniyê de hate ragihandin ku mirov ne tenê ji ber lawaziya binesaziyê, her wiha ji ber polîtîkayên zordar ên Talîbanê yên li hemberî jinan jiyana xwe ji dest dan.
Tevgerê diyar kir ku ji ber nebûna doktorên jin, jinên birîndar nekarîn bêne dermankirin, her wiha ji ber astengiyên çandî jî doktorên mêr nekarîn jinan tedawî bikin. Tevgerê destnîşan kir ku bêparhiştina jinan ji perwerde û karê tenduristiyê bi xwe re ‘encamên kujer’ aniye.
Di daxuyaniyê de hate gotin, jinên ducanî ji ber ku xizmetên tenduristiyê wernagirin jiyana xwe ji dest didin, her wiha pitikên ku bi destwerdaneke tibî ya bingehîn dikarin bêne rizgarkirin, ji ber vê yekê beriya ji dayik bibin, jiyana xwe ji dest didin. Tevgera Şemiya Mor got, “Erdhejê xanî hilweşand, lê belê polîtîkayên Talîbanê hêvî şikand.”
Di daxuyaniyê de nerazîbûn ji bêdengiya civaka navneteweyî re hate nîşandan û hate gotin, “Bêdengî şirîkatiya sûc e. Jin û zarokên li Efganistanê êdî nikarin vê bêdengiyê rakin.”
