Trump li Koşka Spî daxuyaniyek da, diyar kir ku îhtîmala ku her du nûnerên berbehs pêvajoyê pêş bixin bilind e û got: ‘’Ji bo aşitiyê planeke me heye. ‘’Trump hûrgiliyên têkildarî bê ka di planê de Ûkrayna wê ji xakên xwe tawîzê bide yan na, nedan.
Li gorî Axiosê, Jared Kushner û Steve Witkoff wê roja Înê biçin Moskovayê û roja Şemiyê jî li gel Serokdewletê Rûsyayê Vladimir Putin re hevdîtinekê bikin. Tê plankirin ku her du nûner roja Yekşemê jî derbasî Kîevê bibin û bi Serokê Ûkraynayê Volodimir Zelenskiy re bicivin.
Trump da zanîn ku ew Vladimir Putin baş nas dike û got: ‘’Niyeta Putin tune ye ku êrîşî xakên NATO’yê bike.’’
Ev hewla dîplomatîk, piştî seredana hefteya borî ya Dîrektorê CIA’yê John Ratcliffe ya ji bo Moskovayê hate kirin.
