Berdevkê Wezareta Parastinê ya DYE’yê Sean Parnell got, “Ji bo piştgiriya bi aramiya herêmê, têkbirina êrîşkariyê û parastina herikîna bazirganiyê ya li herêmê” Carl Vinson a li herêma Hînt-Pasîfîkê wê tevlî wezîfeya keştiya balafiran a Harry S. Truman bibe ku niha li herêmê ye.
Pentagonê di civîna çapemeniyê de demek diyar nekir û eşkere nekir bê herdu keştiyên ji balafirên şer wê li kîjan herêman bin.
Lê belê ev agahî di demeke welê de hate dayin ku Hûsiyên Yemenî yên ku piştgiriyê ji Îranê werdigirin, berpirsyariya çend ji êrîşên li ser Harry S. Truman a li Derya Sor wergirtibû ser xwe.
Di sibeha Çarşemê de yek ji berdevkên Hûsiyan Yahya Sarî diyar kir ku li hemberî keştiya ji balafirên şer ‘Di nava 24 saetan de cara sêyemîn’ êrîş hate kirin. Washington a ku hefteyên dawî li Yemenê êrîşan dike, ev êrîş piştrast nekir.
Hûsî ji Cotmeha 2023’an dema destpêkirina şerê li Xezeyê û vir ve êrîşê dibin ser keştiyên bazirganiyê yên li Derya Sor û Qenala Suveyşê asteng dikin ku ji sedî 12 ê trafîka deryayê ya cîhanê pêk tîne. Hûsî îdîa dikin ku bi armanca piştgiriya bi Fîlîstîniyan re ew êrîşî keştiyên pêwendiya xwe bi Îsraîlê re hene, dikin.
