Boliviana de Aviacion û Satenayê (Kolombiya), roja Pêncşemê seferên xwe yên ji bo Caracasê betal kirin; Copa Airlinesê jî (Panama) biryara xwe ya sekinandinê heya 12’ê Kanûnê dirêj kir. Beriya niha jî gelek şîrketên weke Iberia, TAP, Avianca, GOL, Latam, Air Europa, Turkish Airlines û Plus Ultrayê kar û xebatên xwe dabûn sekinandin.
Rêveberiya Venezuelayê, ev şîrketên berbehs bi ‘’piştgirîdayîna terorîzma dewletê ya DYE’yê sûcdar kirin’’ û destûrên operasyonê betal kirin.
BERTEKA TRUMP
Pêvajoya betalkirina seferan, li gel hişyariya otorîteya rêheayî ya DYE’yê FFA’yê a ji pîlotan re, leztir bû. Di hişyariyê de hate diyarkirin ku li derdora Venezuelayê rewşa ewlehiyê xirabtir bûye û liv û tevgera leşkerî zêdetir bûye.
Serokê DYE’yê Donald Trump li ser hesabê xwe yê medyaya dijîtal peyameke tundtir parve kir. Trump hişyarî da şîrketên balafiran, pîlot û komên kaçaxçîtiyê dikin û got: ‘’Qada hewayî ya Venezuelayê û derdora wê bi temamî girtî ye.’’
Serokê Venezuelayê Nicolas Maduro dibêje ku armanca rastîn a DYE’yê ew e ku desthilatdariya wî ji destê wî bistîne û bidestxistina petrola DYE’yê ye.
Her wiha li gorî pisporan daxuyaniya Trump bi hiqûqî ne qedexe ye lê belê di sepanê de qada hewayî bi fiêlî tê girtin.
DYE’yê, li herêmê operasyonên xwe yên li dijî bazirganên tiryakê zêde kirine. Li gorî Washingtonê ji meha Îlonê ve ye li Karayîbê derdora 20 keştiyan hatine hedefgirtin û bi tevahî 87 kes mirine.
BES ÇEND XET VEKIRÎ NE
Li Balafirgeha Maiquetia a li Caracasê hema bibêjin seferên navneteweyî nayên kirin. Roja Pênçşemê bes ji Havana û Bogotayê re çend sefer hatin kirin.
Seferên ku koçberên ji DYE’yê hatine dersînorkirin û wan dibin Venezuelayê jî berdewam dikin.
Her çend seferên navxweyî bi awayekî asayî berdewam bikin jî ji qada hewayî ya navneteweyî li ser Venezuelayê tu balafir nafirin.
