Barrot ji bo destpêkirina pêvajoya çareseriyeke ji du dewletan a şerê Îsraîl û Fîlîstînê, roja Çarşemê dest bi tûra herêmî kir ku wê biçe Erebistana Siûdî û Qûweytê jî.
Ev tûr li demeke welê rast hat ku Parîs wê meha Hezîranê li gel Riyadê malovaniyê ji konferanseke navneteweyî ya ji bo çareseriya ji du dewletan re bike.
Wezîrê Fransî piştî ku li Bexdayê bi hempîşeyê xwe Fûad Hisên re hevdîtin kir wê bi Serokwezîr Mûhammed Şîa El Sûdanî re jî rûnê.
Piştre wê derbasî Herêma Kurdistanê ya Federal bibe û li vê derê ji aliyê lîderên herêma federe ve bê pêşwazîkirin.
Li gorî daxuyaniya wezaretê, ev serdan dilsoziya Fransayê ya bi aramiya Iraqê piştrast dike.
Di daxuyaniyê de hate gotin, “Di demekê de ku li welatê cîran Sûriyeyê pêvajoya derbasbûnê heye û hêzên DYE’yê xwe ji nû ve bi cih dikin, Fransa biryardariya xwe ya ji bo têkoşîna li dijî DAÎŞ’ê jinûve piştrast dike.”
Têkildarî şerê Îsraîl-Fîlîstînê de Wezaretê got, “Ev tûr wê firsendekê pêşkêş bike ku Konferansa Bexda 3 bê amadekirin ku wê ji bo aramiya herêmî be û amadekarî ji konferansa navneteweyî ya ji bo çareseriya bi du dewletan be ku Fransa wê bi Erebistana Siûdî re meha Hezîranê malovaniyê jê re bike.”
