Wezareta Plandanînê ya Iraqê têkildarî navçebûna Gulale û derxistina fermana wezarî daxuyaniyek belav kir.
Hate ragihandin ku Wezîrê Plandanînê yê Iraqê yê bi wekalet Prof. Dr. Xalid Betil Necîm, tevî komkirina îmzayan li Encûmena Diyalayê, ji bo Gulale ji bajarok derbazî navçe bibe fermanek wezîrî bi jimara îdarî ya 21101 derxist.
Dr. Xalid Betil Necîm destnîşan kir ku Gulale wê tevlî Rêveberiya Yekîneyên Îdarî yên Komara Iraqê bibe ku ev gavek armanc dike rêxistina îdarî xurt bike û piştgiriya pêdiviyên pêşkeftina herêmî li bajêr bike.
Biryara veguherandina Gulale ji bajarok ber bi navçeyê di nav Kurdan û hinek Ereban de bûye sedema nerazîbûnan. Ji ber ku Gulale yek ji deverên ku dikeve nav sînorên madeya 140 a destûra Iraqê de û divê çarenûsa van deveran bi hemahengiya Kurd û Ereban were diyarkirin. Lê têkildarî vê mijarê pirsa xwe bi Kurdan nekirin û biryar hate dayîn.
Duh 9 endamên encûman parêzgeha Diyalayê li dijî navçebûna Gulale îmzakirin û daxwaza hilweşandina biryarê kirin.
Hêjayî gotinê ye ku Gulale bi navê xwe yê din Celewla girêdayî navçeya Xaneqînê ye û yek ji wan bajarokên Başûrê Kurdistanê ye ku dikeve nava madeya 140’an a Iraqê. Di aliyê îdarî de girêdayî parêzgeha Diyala ye. Li gorî serjimêriya sala 1975’an ji sedan 70’ê niştecihan Kurd bûn.
