Şêniyên bajarok Sinceqa Sadûn ê bajarê Amûdê yê ser bi kantona Cizîrê ve daxuyaniyek da. Şêniyan li dijî êrişên li ser herêmê tevlêbûna xwe ya nav seferberiya giştî ragihand.
Daxuyanî bi amadebûna şêniyên bajarok ji aliyê şêniyê bi navê Ebdulwehab Zelfo ve hat xwendin.
Zelfo diyar kir ku şêniyên Sinceqa Sadûn li kêleka hêzên xwe yên leşkerî parastina herêmê dikin. Her wiha anî ziman ku armanc ji êrişên li ser herêmê, qirkirina gelê Kurd e û got şênî dê bê deng nemînin, lê dê li hemberî cureyên êrişan bisekinin.
Ebdulwehab Zelfo bêdengiya Neteweyên Yekbûyî ya li hemberî êrişên li ser Kurdan rexne kir û diyar kir ku ev bêdengî dihêle êriş berdewam bikin.
Di dawiya daxuyaniyê de dirûşmên silavkirina berxwedana Rojava û yekitiya Kurdan hatin berzkirin.
