Endamên Kongra Star li dijî êrişên li ser herêmê daxuyaniyên cuda li bajarê Dêrikê yê kantona Cizîrê û bajarê Kobanê yê kantona Firatê da. Daxuyaniya li Dêrikê li pêşiya avahiya Kongra Star û ji aliyê endama kongreyê Emel Mehmûd û ya li Kobanê jî li qada Jina Azad ji aliyê Cûrî temê ve hat xwendin.
Daxuyanî wiha ye:
“Çeteyên hikumeta demkî û girêdayî dewleta tirk a dagirker ên Bakur Rojhilatê Sûrî, aramî û ewlehiya herêmê têk birin û gelê herêmê koçber kirin û bajarê Kobanê dorpêç kirin.
Îro zêdetiri hefteyekê xelkên li Kobanê bê av, bè kehrebe , bê derman, bê mazot û bê enternêt hiştin û sê aliyan de bajar dorpêç kirine û êriş dikin, komkojiyan li ser vî gelî dikin bi taybet li gundê Qasimî û Xerab işkê û piraniya kesên li wir şehîd ketin jin û zarokon. Çawa ku dest bi êrişan kirin yekser şerê hebûna jin kirin û destdiréji li ser jinan kirin, cenazeyên jinan ji qatan avêtin, keziyên jinan qut kirin û bi awayeki hovane û bê exlaqî şervan û sivilan qetilkirin û bi cenazeyê wan lîstin. Ji ber bi destê jinan bi taybet Arîn Mîrkan û Rêvan Kobanê û rêhevalê wan paytexta xîlafeta DAÎŞ’ê hilweşiya.
Tevlî ku agirbest hat ragihandin lê dîsa êrîş berdewamin bi taybetî ji di 26’ê Çileyê de roja rizgarkirina Kobanê ji terora Daişê dixwazin careke din tola DAÎŞ’ê hilînin, lê çawa dîrok êrîşan dubare dike wê helbet serkeftin jî dubare bibê, ji ber ku gelê me xwedî îradeya û xwedî maf e.
Em wek jinên hereketa jin Kongra Star û jinên bajarê Kobanê van êrîşên hovane û bê exlaqî yên li hemberî hebûna gelê kurd û komkojiyên li hemberî jin û zarokan tên kirin şermezar dikin. Em ê heya dawî li ber xwe bidin heta ku gelê xwe bighînin aramiyê û banga me ji bo tevahî cîhanê ji bo tevahi gel û saziyên mirovahî ji bo tevahî tevgerê jinên azad ku îro bi banga gelê Kobanê werin û li ser piya bin û li Kobanê xwedî derkevin.
Kobaniya ku tevahî cîhan û mirovahî ji terora DAÎŞ’ê rizgar kirin îro tevahî cihan deyndarê vê yekê ne, ji ber vê jî dibe bi alikariya wan demildest van çetan ji axa Kobanê û Rojavayê Kurdistanê berdin. Em wek hereketa jin soza parastina bajarê Kobanê didin, soza tolhildana jin û zarokên ku şehîd ketin li gundê Qasimi û gundê Xerab işkê didin.”
