Duh li Qada Stasyonê ya navçeya Yenîşehîra Amedê bi pêşengiya Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) mitînga “Azadî ji bo aştiyê” hatibû lidar xistin.
Endamê Meclîsa Ciwanan a DEM Partiyê Vedat Ozer ê ku piştî mitîngê di encama êrîşa polîsan de birîndar bû, ew rakirin Nexweşxaneya Fakûlteyê ya Zanîngeha Dîcleyê. Hat hînbûn ku Ozer ê ku di beşa lênerîna giran a beşa norolojiyê de tê dermankirin, serê sibehê tomografiya mejî hatiye kişandin û xwîna ku diçe ser mejiyê wî hatiye seknandin. Hat diyar kirin ku xeteriya li ser jiyana Ozer bedewam dike û wê demekê li beşa lênerîna giran tedawiya wî bidome.
