Berdana Ahmet Tunelî yê ku li Girtîgeha Girtî ya Tîpa T a Hejmar 2 ya Siverekê tê girtin, careke din ji hêla Lijneya Rêveberiya û Çavdêriyê ya Girtîgehê ve hat astengkirin.
Tunelî yê ku ji hêla Dadgeha Ewlehiya Dewletê (DGM) ve cezayê heta hetayê lê hatibû birîn, roja berdana bi şert ji bo 31’ê Cotmeha 2024’an hatibû destnîşankirin. Lijneya ku berê sê caran berdana wî astengkiribû kiribû, dîsa berdana wî asteng kir.
Lijneyê di nirxandina dawî ya di 2’yê Hezîranê de îdîa kir ku Tunelî daxwaza beşdarbûna civînên takekesî nekiriye, sûcdariyan qebûl nekiriye û aniye ziman ku wî “sûcek ku jê poşman bibe nekiriye”.
Di biryarê de hat îdîakirin ku Tunelî derbarê sûc de têgihîştin pêş nexistiye, di çareserkirina pirsgirêkan de kêm maye, ne amade ye ku tevlî civakê bibe û di dema girtîgehê de cezayên dîsîplînê wergirtiye.
Ahmet Tunelî yê ku berdana wî cara çaremîn hat astengkirin, wê berdana wî di 2’yê Kanûna 2026’an de dîsa bê nirxandin.
