Li gorî rapora Neteweyên Yekbûyî (NY) li Sûdanê ji 30,4 milyon welatiyên ku hewceyî xwarinê ne 15,3 milyon jin û zarokên keçik in.
Li gel dirêjbûna şerî krîza li Sûdanê jî kûrtir dibe. Ji sedî 15’ê malbatên ku jin debara wan dikin, bi birçûbûnê re rû bi rû ne yan jî nêzîkî vê rewşê ne. Lê belê ev yek di nava malbatên ku zilam debara wê dikin de ji sedî 7 e.
Bernameya Alikariya Xwarinê (WFP), girêdayî çavkaniyên di destê xwe de dikare alikariyê bide 4 milyon welatiyan, lê belê hê jî 26 milyon welatî hewceyî alîkariyê ne. Ji ber kêmbûna fonan pakêtên alikariyan tên biçûkkirin, kêm kes distînin û li hin deveran jî ev alîkarî bi temamî tên qutkirin.
Rêxistinên jinan ên li Sûdanê (WLO) alikariyan dibin herêmên çûnûhatina wan zehmet e, li gel dabînkirina alikariya xwarin, tenduristî û stargehan xwedî rokele girîng e. Lê belê ji ber kêmbûna fonan hin rêxistin neçar mane ku ji niviyê zêdetir alîkariyên xwe kêm bikin.
UN Women pêşniyar dike ku ji bo têkoşîna li dijî birçîbûnê pêşaniyê bidin malbatên ku jin debara wan dike, xalên belavkirina alîkariyan ên xwecihî werin avakirin, di komîteyên jinan de nûnertiya jinan herî kêm ji sedî 40 be û ji rêxistinên jinan re zêdetir alîkarî werin dayîn.
