Navenda Ragihandinê ya Yekîneyên Parastina Gel (YPG) daxuyniyêk li ser malpera xwe da û diyar kir ku di 3’yê Tebaxê de Tîmên Operasyonên Leşkerî (TOL) ên Hêzên Sûriya Demokratîk, bi piştevaniya Koalîsyona Navneteweyî li bajarê Hesekê serçeteyekî DAÎŞ’ê de girtiye.
Di daxuyniyê de hat destnîşankirin ku di 3’yê Tebaxê de, Tîmên Operasyonên Leşkerî (TOL) ên Hêzên Sûriya Demokratîk, bi piştevaniya li Hesekê operasyoneke ewlehiyê li dijî serkirdeyên DAÎŞ’ê li dar xist.
Operasyonê serçeteyekî DAÎŞ’ê armanc kir ku ew berpirsiyarê beşa lêkolîn û îstîxbaratê ya şaneyên veşartî bû. Ev beş bi armanca pêkanîna êrîşên terorîstî hedef peyda dikir û agahî kom dikirin.
YPG‘ê diyar kir ku ev operasyon nîşaneya hewldanên domdar ên Hêzên Sûriya Demokratîk e, bi armanca şopandin û têkbirina şaneyên terorîstî û parastina herêm û civakê ji van metirsiyan.
