Hate ragihandin ku duh mamostayê olî yê bi navê Ayet Xulamî li Kirmanşan a Rojhilatê Kurdistanê piştî ji bo beşa parastinê ya karûbarên mamostayên olî ya bajar hate vexwendin, hate binçavkirin û ber bi cihek nediyar ve hate birin.
Hate diyarkirin ku Mela Ayet Xulamî bi hinceta ‘îmzakirina nivîsek ya têkildarî şermezarkirina cezayê darvekirinê û qetilkirina kolberan’ hatiye binçavkirin.
Tora Mafê Mirovan, destnîşan kir ku her wiha duh meleyek din ê Kurd ê bi navê Sabîr Xudamuradî beriya nimêjî li ber mizgeftek a li bajarê Seqîzê ji aliyê Dadgeha Taybet a Mamostayên Olî ya Hemedanê ve hate binçavkirin û cezayê gidrtîgehê lê hat birîn.
Li gorî agahiyan, Mela Sabîr Xudamuradî jî bi hinceta ‘propagandaya dijî hikûmetê, têkdana raya giştî û piştevaniya ji bo Serhildana Jin, Jiyan, Azadî’ 22 meh cezayê girtîgehê lê hate birîn.
Roja 21’ê Nîsanê meleyê Kurd Luqman Emînî li bajarê Sine, piştî ji bo dadgeha taybet a ji bo mamostayên olî ya Hemedan hate vexwendin, hate binçavkirin û ber bi cihek nediyar ve hate birin.
Hêjayî gotinêye ku pêlek ya gef û zextan ji aliyê rejîma Îranê ve li ser meleyên Kurd ên li Rojhilatê Kurdistan û Îranê destpê kiriye.
