FESTÎVALA DERSIMÊ
23’yemîn Festîvala Çandê ya Munzûrê, li Qada Seyîd Riza a Dersimê dest pê kir. Li gel partiyên siyasî û rêxistinên civakî ji Kurdistan û Tirkiyeyê gelek kes beşdarî festîvala ku bi bi şîara ‘’Dersim jiyan e; dest bi xweza, îrade, ziman û baweriya min nede’’ tê lidarxistin, bûn.
Serokê Federrasyona Komeleyên Dersimê (DEDEF) Alî Riza Bîlîr, ji malbatên kesên ku di şewata li Eskîşehîrê de jiyana xwe ji dest dane re sersaxî xwest.
Hevşaredara Dersimê Bîrsen Orhan jî ku erka wê bi rêya qeyûman hate desteserkirin, anîziman ku festîvala Dersimê çand, bawerî, ziman û seknek e û diyar kir ku di heman demê de li hemberî kiryarên antîdemokratîk festîvaleke berxwedanê ye. Bîrsen Orhan bi bîr xist ku festîval ji aliyê Dersimîyan ve li hemberî qedexeyên di salên 1990’î de hatiye destpêkirin û got: ‘’Hê jî statuyeke neasnameya Elewiyan tune ye. Hê jî statuya îbadetxaneya Cemxaneyan tu neye. Weke înkarkirina Kurdan înkara Elewiyan jî heye.’’Bîrsen piştre diyar kir ku Pêvajoya Aşitî û Civaka Demokratîk derfetek e û ev yek anîn ziman: ‘’Eşkere ye ku wê Dersim di civaka demokratîk de rol bilîze, bi fedekarî xwedî li pêvajoyê derketiye. Ji bo demokratîkbûyîna civakê û parastina mafê hemwelatîbûna wekhev em ê têkoşîna xwe bidomînin.’’
Bîrsen Orhan herî dawiyê destnîşan kir ku zimanê dayikê jî di bin qirkirinê de ye, bal kişand ser polîtîkayên desteserkirina şaredariyan û got: ‘’Dema qeyûm hat, destpêkê saziya zimanî girt. Hem li Şaredariya Dersimê hem jî hem li Şaredariya Pulurê îradeya gel hate desteserkirin. Girêdayî vê yekê em bang li hemû kesan dikin ku xwedî li festîvalê derkevin.’’
Hatibû plankirin ku destpêka festîvalê bi şahiya dahol û zirneyê were kirin lê belê ji bes kesn ku di şewata li Eskîşehîrê de jiyana xwe ji dest dane, hate betalkirin.
