Şandeya Îmraliyê piştî hevdîtina li gel Rêber Apo li Stenbolê peyama Rêber Apo ragihand. Rêber Apo di peyamê de bal kişand ser vekirina rêyên demokratîk, xwişk-biratiya gelan û bang li PKK’ê kir ku çekan deyne.
Mafparêz Akin Bîrdal banga Rêber Apo nirxand û got: “Bi min Ocalan êdî gotina xwe kir. Ji niha û pê de êdî kiryar û gotinên dewletê girîng in. Teqez îro rojeke dîrokî ye. Destpêkek e. Divê tavilê di nava TBMM û civaka sivîl de nexşerêyek were amadekirin. Divê êdî her kes li pêşiya xwe bibîne û çek werin berdan. Divê civakeke ku xwe dispêre mafên mirovan, hemwelatibûna wekhev û azadiyê were avakirin. Weke mafparêzan ev 40 sal in em şahidiya vê pêvajoyê dikin. Divê êdî çek neyên bikaranîn. Divê pêvajoya diyalog û muzakereyê dest pê bike û divê ev yek jidil û pêbawer be. Divê dewlet tavilê pêngavên hewce biavêje. Weke gel û aşitîxwaz em ê ya ku dikeve ser milên me bi cih bînin. Em li Stenbol û Îzmîrê ji bo pêvajoyeke bi vî rengî dixebitin. Em li ser erdnigariyeke birîndar in. Ji bo ku em xwe ji van êşan rizgar bikin, divê em hemû berpirsiyariyên xwe bi cih bînin.”
