Bi banga Komîteya Amadekar a 1’ê Gulanê gelek sendîka û saziyan xwestin ji bo 1’ê Gulanê Cejna Karkeran xwe bigihînin Taksîmê. Lê belê hemû rêyên ber bi Taksîmê ji saet 05:00 û pê ve hatin girtin. Qada Taksîmê bi bendên polîsan hate dorpêçkirin.
Polîsan destûr nedan girseya gel ku li ber Mizgefta Şîşlî li hev kom bûbû û dixwest biçe Taksîmê. Li Mecîdiyekoyê jî poLîsan destûr nedan girseya gel a li hev kom bû. Li ser vê yekê çalakgeran dest bi çalakiya rûniştinê kirin.
Polîsan li gelek nuqteyan êrîş birin ser gel. Gelek kes hatin binçavkirin.
