Li Amedê bi pêşengiya Platforma Saziyên Demokratîk, Meclisa Ciwanan a Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) bi şîara “Şahiya Ciwanên pêşeng û civaka demokratîk, “Meşa Aştî û Civaka demokratîk” hate lidarxistin.
Hevserokên DBP’ê Çîgdem Kiliçgun Ûçar û Keskîn Bayindir, parlamenter û hevşaredarên DEM Partiyê û bi hezaran kes li ber avahiya DEM Partî ya Amedê hatin gel hev. Girse demekê govend gerand û dawiyê bi berzkirina dirûşmeyan “Bijî Serok Apo”, “Bê Serok jiyan nabe”, “Jin jiyan azadî” û “Ziman jiyan azadî” ber gi Qada Bajêr a Peyasê ve dest bi meşê kirin.
Girse di meşê de silav ji Îmraliyê re şandin. Bi hezaran kes, bi şewqa telefonên xwe kolanên Amedê ronî kirin. Piştî girse gihîştin Qada Bajêr li wir konserek hate lidarxistin. Beşdaran li qada konserê posterên Rêber Apo vekirin û dirûşmeyên wekî “Jin, jiyan, azadî”, “Bijî Rêber Apo” û “PKK gel e, gel li vir e” berz kirin.
Endama Meclîsa Ciwanan a DBPê Sultan Yorulmaz ewilî axivî. Sultan Yorulmaz anî ziman ku heta azadiya Rêber Apo pêk neyê avakirina civakeke azad pêk nayê û got: “Em mîmar û rêberê ‘Aştî û Civaka Demokratîk’ Abdullah Ocalan ji dil û can silav dikin. Em bi ruhê Sofiyan cejna gelê Kurd pîroz dikin. Rêya me rêya Elîfan e. Rêber Ocalan ji me re dibêje, ‘hûn rêxistin bikin’. Em ê li dijî bişaftinê civakê bi rêxistin bikin. Divê hemû cîhan, dost û dijmin bizane ku heta Rêber Apo ji tecrîda Îmraliyê rizgar nebe, civakek azad ava nabe.”
Piştî axaftina Sultan Yorulmaz; hunermend Kasim Taşdogan derket ser dikê û bi stranên xwe girse coşand.
DI RÊYA PÊVAJOYA AŞTÎ Û CIVAKA DEMOKRAT|DE HIQÛQ, DEMOKRASÎ, AZADÎ HEYE
Hevseroka Giştî ya DBP’ê Çîgdem Kiliçgun Ûçar jî di şhiyê de axivî. Çîgdem Kiliçgun Ûçar qala pêvajoya piştî banga Rêber Apo dest pê kiriye, kir û got, “Di van mehên ku pêvajo berdewam dike de, dixwestin me di hin ceribandinan re derbas bikin û bi zehmetiyan re rû bi rû bihêlin. Tevgera Azadiya Kurd, bi gavên ku ti kes ne li bendê bû avêt. Israr û hewldanên xwe yên ji bo aştiya li Rojhilata Navîn nîşan da. Banga 27’ê Sibatê li seranserê Tirkiyeyê deng veda. Em hêviya jiyaneke bi hev re derketiye holê. Pêvajoya Aştî û Civaka Demokratîk rêyek e. Ev rê hiqûq, demokrasî û azadiyê di nava xwe de dihewîne.”
Çîgdem Kılıçgu Ûçar bal kişand ser polîtîkayên hikûmetê yên li hember Sûriyeyê û axaftina xwe wiha domand: “Wezîrê Karên Derve yê welat ji Sûriyeyê dernakeve. Derdê wî çi ye? Ew jiyana hevpar a ku gelên Bakur û Rojhilatê Sûriyeyê bi ked û têkoşîna xwe avakiriye hedef digire. Ew jiyana hevpar a gelan hedef digire. Îradeya jiyana bi hev re û îradeya demokrasiyê ya ku li Rojava derketiye holê di nav parametreyên bingehîn de ne û her yek ji me wê wan biparêzin.”
TIŞTA KU PÊWÎSTIYA KOMÎSYONÊ HERÎ ZÊDE PÊ HEYE WÊREKÎ YE
Çîgdem Kiliçgun Ûçar li ser komîsyona ku di çarçoveya vê pêvajoyê de li Meclisê hatiye avakirin jî axivî û destnîşan kir ku tişta ku pêwîstiya komîsyonê herî zêde pê wêrekî ye û wiha domand: “Ne dewlet û ne jî partiya desthilatdar divê sînorên îdeolojîk xêz nekin. Tiştê ku em jê re dibêjin civaka demokratîk a aştiyane nayê wê wateyê ku her kes bi heman awayî difikire, bi heman zimanî diaxive, an jî dengê xwe vide heman partiyê. Azadî û serweriya hiqûqê bingeha civaka aştiyane û demokratîk in. Siyaseta demokratîk li Tirkiyeyê û Rojhilata Navîn mifteya herî bihêz a çareserkirina pirsgirêka Kurd e. Kurdan siyaseta demokratîk diyarî van axan kirine. Ji ber vê yekê, ruhê serdema nû siyaseta demokratîk, aştî û civaka demokratîk e. Em hêvî dikin ku nûnerên partiyên siyasî yên di komîsyonê de xwedî li vê pêvajoyê derkevin. Sedsaleke din û nirxên ku em êdî winda bikin tineye.”
Piştî axaftinan, girse li ber stranên Koma Hevra govend gerand. Di tevahiya konserê de ji bo Rêber Apo dirûşm hatin berzkirin. Şahî bi coş bi dawî bû.
