Çeteyên girêdayî Hikûmeta Demkî ya Sûriyê, li gundê Ûm Tina yê girêdayî gundewarê Dêr Hafirê yê Kantona Tebqayê, komkujiyeke li dijî sivîlan pêk anîn.
Li gorî daxuyaniya Navenda Ragihandinê ya Hêzên Sûriya Demokratîk (QSD), êriş bi karanîna balafirên bêmeriv dest pê kir û paşê saet di 19:00’an de bi topbaraneke giran berdewam kir. Topbaranê rasterast malên sivîlan kir armanc. QSD’ê diyar kir ku di encama van êrişên “barbarî” de 7 sivîlan jiyana xwe ji dest dan û 4 kes jî birîndar bûn.
Navên kesên hatin kuştin ev in:
Amina Muhammed el-Azzawi (75 salî) Fatima Hiyye Ubeyd (65 salî) Amina Muhammed el-Hamza (22 salî) Ayşe Hamza Ubeyd (18 salî) Hamza Ubeyd er-Razzak (4 salî) Abdulghani Rahman el-Ubeyd (1 salî) Rahaf Hüseyin el-Azzawi (23 salî) Navên birîndaran:
Cuma Hammud el-Muhaysin (60 salî) Meryem Hammud el-Muhaysin (55 salî) Halime Mahmud el-Muhaysin (65 salî) Amina Hammud el-Amura (20 salî) QSD’ê wiha got: “Em vê sûcê nemerdane ku weke beşeke polîtîkayên domdar ên van koman ên li dijî sivîlan tê kirin, bi tundî şermezar dikin. Em careke din dibêjin ku bêcezahî dibe sedema dubarebûna van binpêkirinan.
Çeteyên bi ser Şamê ve li Dêr Hafirê 7 sivîl qetil kirin
Çeteyên HTŞ’ê yên girêdayî Hikûmeta Demkî ya Sûriyê, li gundewarê Dêr Hafirê yê girêdayî Rêveberiya Xweser a Bakur û Rojhilatê Sûriyê, 7 sivîl kuştin, 4 sivîl jî birîndar bûn. QSD’ê ev êriş şermezar kir.
Nirxandinek Bike
Nirxandinek Bike
Me Bişopîne!
Tu dikarî li ser gelek platforman rûpelên me bişopînî.
