Rayedarên polîs û ewlehiyê yên herêmî ragihandin ku êrîşê çar malan kir armanc û ev mal bi temamî hatin rûxandin.
Derbarê ka êrîş ji aliyê kîjan alî ve hatiye kirin de daxuyaniyeke fermî nehatiye dayîn, lê parlamenterê opozîsyonê Îqbal Afrîdî angaşt kir ku êrîş ji aliyê balafirên hêzên ewlehiyê ve hatiye kirin.
Afrîdî got: “Ev bombebaran ji aliyê balafirên hêzên ewlehiyê ve hatiye kirin. Ew ji mirina 23 kesan berpirsyar in.”
Rayedarekî polîsê li bajarê Tîrahê diyar kir ku di nav kesên jiyana xwe ji dest dane de heft jin û çar zarok hene.
Herwiha hat ragihandin ku herêma ku êrîş lê pêk hatiye, cihekî ku hêzên Talibana Pakîstanê (TTP) lê bi tundî çalak in e.
Di van mehên dawî de TTP’ê li herêmên çiyayî yên sînorê Efxanîstanê êrîşên xwe yên li dijî hêzên ewlehiyê zêde kirine.
Piştî bombebaranan, nêzî 2 hezar kes li bajarekî cînar kom bûn û êrîşa asmanî protesto kirin.
TTP, wekî Tevgera Talibana Pakîstanê tê nasîn ku heman îdeolojiya Talibana Efxanîstanê parve dike û bi salan e li herêmê çalak e.
