Li gorî daxuyaniya Ajansa Volkanolojiyê ya Neteweyî, teqîna herî xurt a volkana bi 1584 metreyî bilind, roja Çarşemê bi dema herêmî saet di 01:35’an de qewimî.
Di encama teqînê dû û duxan bi deh kîlometreyî ji devî volkan fûriya û bilind bû. Teqîna destpêkê jî êvara Sêşemê qewimî bû û xwelî bi qasî 9 kîlometreyan bi ser volkan ve ketibû.
Serokê Ajansê Muhammed Wafid bang li şêniyên herêmê û tûrîstan kir ku bi qasî 6 kîlometreyî xwe ji krater vegirin.
Wafid her wiha hişyarî da ku ji ber herikîna heriyê û lehiya ji nişka ve ya ji ber enqazê volkanê divê her kes baldar be.
Rayedaran diyar kirin ku bilindbûna xweliyê dibe ku bandoreke neyînî li trafîka hewayî bike. Li Balafirgeha Maumere ku bi 60 kîlometreyî nêzî volkan e, seferên balafiran bi demkî hatin rawestandin.
Endonezya ji ber ku li ser Xeleka ji Agir a Pasîfîk e, tim û tim dibe qada volkanîk û aktîvîteyên sîsmîk.
