Tevgera Mezobotamya ya Çand û Hunerê TEV-ÇAND û Hunergeha Welat, ji bo piştgiriya Hêzên Sûriyeya Demokratîk (QSD) li Parka Azadî ya bajarê Qamişlo şahiyek li dar xist. Bi hezaran şênî tevlî şahiyê bûn.
Piştî deqeyek rêzgirtinê ji fermandarên QSD’ê Kawa Gulo axivî û got: “Dema em behsa QSD`ê dikin, em behsa siberoja Sûriyeyê dikin, gelê Sûriyeyê ji bo pêkanîna azadiyê baweriya xwe bi vê hêzê tînin. “
Gulo bal kişand ser binpêkirinên hêzên hikûmeta veguhêz a Sûriyeyê û got: “Digotin piştî Xirsityanan û Elewiyan û Siwêdayê wê dor were ser we, paşê êrişî Dêr Hafir û Şêxmeqsûd û Eşrefiyê kirin, lê wan derbên giran xwarin. Em hêza xwe ji piştgirî û baweriya gelê xwe digirin. “
Piştî axaftinê hunermendên koma Hunergeha Welat, Sumeya Mihemed, Xalid Cûdî, Hacî Mûsa, Delîl Mîrsaz, Rozalîn Dêrik, Hisên Koçer û Selah Ibrahîm stran pêşkêş kirin.
