Li Wargeha Penaberan a Şehîd Rûstem Cûdî (Memxûr) bi pêşengtiya Meclisa Îştar de çalakiya fermandara jin ya gerîla (Gulnaz Karataş) bi nasnav Bêrîtan Hêvî ya ku di 25’ê Cotmeha 1992’an de li çiyayê Lêlkan yê herêma Xakûrkê li dijî dagirkeriya Tirk û hêzên noker pêkanî, bi nîşandana sînevîzyonê û belavkirina helwayê hat bîranîn.
Bîranîn li Saziya Malbatên Şehîdan bi deqeyek rêzgirtina ji bo tevahî cangoriyên azadiya Kurdistanê destpê kir. Piştî rêzgirtinê li ser navê Meclisa Îştar Fadîle Tok axivî.
Fadîle Tok destpêkê di kesayeta Şehîd Bêrîtan Hêvî de hemû şehîdên azadiya Kurdistanê bi bîr anî û got: “Dema ku em behsa jina azad û şoreşger hevala Bêrîtan Hêvî bikin, divê em li dîroka vê jina xwedawend binêrin ku ji kîjan herêmê hatiye û ketiye rêya azadiyê. Herêma Dêrsimê ya ku herî zêde komkujî lê hatî kirin û her wiha qêrîn û nalînên jin û zarokan yên ku xwe ji zinar û tehtan davêtin, em dikarin bêjin ew pergala wehş ya Osmaniyane, heta niha jî berdewame.
Di xwestin di kesayeta xwefiroşan de, di kesayeta Kurdên ji rê derketî yên ku îro bi dijminê xwe hatî xapandin wek Mala Barzanî, bi rêya PDK’ê re 1992’an dixwestin Tevgera Azadiyê di Başûrê Kurdistanê de têk bibin. Lê jibîr kirin ku Bêrîtan xwe bi fikirê Rêber Apo, xwe bi cewherê jinê yê rast pêçaye û wisa ketiye rêya azadiyê. Em dikarin bêjin ku armanca hevala Bêrîtan ew bû ku herî zêde naskirina ruhê Rêber Apo, têkoşîn û armancên Rêber Apo ya ji bo azadiya gelan û jinan bû.”
Piştî axaftinê, endama Akademiya Şehîd Jiyan Gulê Batman helbestek li ser Şehîd Bêrîtan xwend û Koma Stêra Zêrîn jî bi çend stranên li ser Şehîd Bêrîtan kêliyên cuda bi gel dan jiyankirin. Herî dawî jî ji bo bîranîna Şehîd Bêrîtan helwa hat belavkirin.
