Komploya Navneteweyî ya 15’ê Sibatê ya li hemberî Rêber Apo, wê li gel meşan were protestokirin. Meşên ku wê ji aliyê Platforma Saziyên Demokratîk ve werin lidarxistin, wê li Kurdistan û Tirkiyeyê li hemû navendên bajêr û navçeyan di heman demê de werin lidarxistin. Wê di meşan de li gel ronahiyên telefonên bêrîkan û feneran ji tarîtiya komployê re bersiv were dayîn.
Di meşan de wê peyamên azadiya fîzîkî ya Rêber Apo û yekîtiya neteweyî derkevin pêş. Her wiha wê di meşan de êrîşên li ser Rojava ku Tevgera Azadiya Kurd weke ‘’komploya duyemîn’’ pênase dike, werin şermezarkirin û peyama parastina destkeftiyan were dayîn.
Meş wê li hemû bajar û navçeyan di saet 18.00’an de bi hev re dest pê bikin.
